До уваги настоятелів усіх храмів Криворізької єпархії, отця-намісника та ігумені!

Канцелярія Криворізької єпархії повідомляє, що, з благословення Блаженнішого Митрополита Київського і всієї України Онуфрія, 10 листопада 2019 року у всіх храмах та монастирях єпархії за богослужінням необхідно піднести молитви за дітей-сиріт та звернутися до парафіян з закликом долучитися до богоугодної справи опікування сиротами та їх усиновлення.

ПРОХАННЯ НА ЄКТЕНІЇ

На мирній єктенії

О спасении рабов Божиих, всех сирот, о даровании им покоя душевнаго, целомудрия и благочестия, Господу помолимся.

О всех, служащих сиротам, учащих их, благотворящих им, и о всякой пользе их пекущихся, Господу помолимся.

О благочестивых родителях, приявших сирот в семейства своя, и о еже Господу Богу благословити таковых и в подвизе укрепити, Господу помолимся.

На сугубій єктенії

Еще молимся о спасении, посещении, прощении и оставлении грехов рабов Божиих, всех сирот, лишенных родителей своих, яко да Господь дарует им мир душевный и житие нескверное, рцем вси: Господи, услыши и помилуй.

Еще молимся о всех верных, пекущихся о нуждах сирот, приявших их в семейства своя и наставляющих на всякое дело благое, и о свышнем покрове их, рцем вси: Господи, услыши и помилуй.

Еще молимся о умягчении сердец всех людей земли нашея, яко да всяк по силе своей в любви и терпении сирот милует, чад в благочестии воспитывает, скорбящих утешает, гладствующих насыщает и безкровных вводит в дом, рцем вси: Господи, услыши и помилуй.

МОЛИТВА

Господи Вседержителю, Бога Отца именовати нас научивый, благодать усыновления даровавый нам, Отче сирот! Ты бо рекл еси: аще же и забудет жена отроча свое, еже не помиловати изчадия чрева своего, но Аз не забуду тебе. Сего ради Тебе просим: спаси и помилуй чад Твоих, родителей лишенных, просвети их светом благодати Твоея, да познают Тебе, Небеснаго Отца, со Единородным Твоим Сыном и Всесвятым Твоим Духом. Утеши плачущия, вразуми неразумныя, исцели болящия, укрепи немощствующия. Некрещенных святаго Крещения сподоби; просвещенных Крещением утверди в благочестии и чистоте. Аще что злое сотвориша по неразумию, наущению бесовскому или людскому, прости и к покаянию направи. Посли им Ангелы хранители Твоя, даруй наставники добрыя, яко возмощи им достойно проити все поприще жития земнаго. Научи их Творити волю Твою! Помяни, Господи, почившия родители их и сродники, даруй тем прощение грехов и со святыми упокоение. Даруй покаяние оставившим чад своих, и сподоби их плоды покаяния принести. Посли руку Твою и укрепи сердца родителей, принимающих сирот в семейства своя, благослови их благословениями небесными и земными. Даруй нам любовь ко всем чадам Твоим, наипаче же к сим, родителей лишенным, даждь нам сердце любящее и милующее, разум просвещенный и желание теплое служити ближним своим. Яко да вси мы, чтущии Тя, Единаго Отца нашего и Бога, сподобимся в безконечныя веки быти причастниками вечныя и неизреченныя радости, яже уготована всем чадам Твоим. Аминь.


Комментарии к статье ( No Comments, Показать список ) :
Оставить комментарий ( Показать форму ) :

Наш адрес:
ул. Церковная, 4
г. Кривой Рог
Днепропетровская обл.
50000 Украина
Наш телефон:
(0564) 93-83-69
Наш e-mail:
consistoria@meta.ua

 



Управление Выйти Обратная связь